Asteburuan, Hiru Haundiak mendi zeharkaldiaren XIX. edizioa jokatu da. Euskal Herrian dagoen zeharkaldirik gogorrenetarikoan (100 km. eta 5,126 m.-ko desnibel positiboa), Silvia Trigueros eta Javi Domingues gasteiztarra izan dira azkarrenak. Aipatzekoa izan da, Iokin Garai oñatiarrak lortutako hirugarren postua.
Hiru Haundiak mendi zeharkaldia Gasteizko Manuel Iradier ibiltari taldeak antolatzen du 1986. urtetik. Lehenengo 10 edizioak urtero burutu ziren, baina gerora, bi urtean behin antolatzen den mendi proba gogor bezain erakargarria da. Aurten 1725 parte hartzaile izan dira guztira eta 1100 lasterkari inguruk soilik lortu zuten Araiako helmugara iristea.
Javi Dominguez gasteiztarra (11:00:15) eta Silvia Trigueros bizkaitarra (12:48:22) izan dira aurtengo edizioko atletarik azkarrenak. Gizonezkoetan baina, goraipatzekoa da Iokin Garai oñatiarrak egindako lasterketa. Hirugarren postuan amaitu zuen zeharkaldia 11:16:46ko denborarekin. Emakumezkoetan berriz, Maite Anton izan zen herriko ordezkaririk azkarrena. 19. postua lortu zuen sailkapen orokorrean, 18:49:07 denbora eginda. Duela gutxi amaitu berri den Oñati Irratiko kirol tarte nagusian, Garairekin hitz egiteko aukera izan dute. Hona hemen bere adierazpenak:
Beste hainbat probatan gertatzen den bezala, Hiru Handiak lasterketan ere, txantxikuarren presentzia nabarmena izan zen. Aurtengo edizioan zifra zehatzik ez badigute konfirmatu ere, partehartzaile kopurua 30 inguruan ibili dela esan genezake. Bejon deizuela guztiei!!
Sailkapen ofizialak hemen.