Besteak
Unai Perosterena irabazle, San Migeletako bolajoko txapelketan
Pasaden irailaren 27an, herri mailako bolajoko txapelketa jokatu zen San Martineko zuhaiztian. Urteroko legez, ikusmin handia piztu zuen lehiak eta partehartzaileak ez ezik, ikusle ugari bildu ziren bolajoku zaharraren inguruetan. Aurtengo garailea, Unai Perosterena izan zen.
Lehia polita eta berdindua eskaini zuten aurtengo txapelketan izena eman zuten parte hartzaileek. Guztira 58 bolarik eman zuten izena, Kurtze Baltz elkarteak San Migel jaien bueltan antolatzen duen urteroko hitzordu arrakastatsuan. Lehia, apostua, emozioa...bezalako baloreak biltzen ditu bere baitan, tradizio handiko kirol honek.
Desberdinketa
Parte hartzaile guztiek jaurtiketa bana egin ostean, desberdinketa jokatu behar izan zen aurtengo bolo txapelketako irabazlea erabakitzeko. Berdinketa hausteko tiraldian, 6 txirlo bota zituen Perosterenak eta marka horri esker, garaipena lortu zuen. Txapelketa irabaztearen ohoreaz gain, hainbat sari eraman zituen etxera; telebista eder bat, besteak beste. Josu Zumaldek eta Iñaxio Geretak osatu zuten hurrenez-hurren, ohorezko podiuma.
