Mendia

Mendia
2018-03-22 07:52:10
BIGARREN URTEZ JARRAIAN POLTSIKORATU DU IBILBIDE MOTZA
Arriarango mendi lasterketa irabazi du asteburuan, Iñaki Arriaran oñatiarrak

Beasaineko Bealak taldeak antolatuta, Arriarango mendi lasterketaren zazpigarren ekitaldia ospatu zuten larunbat arratsaldean. Xabier Mendizabalen oroimenezkoak, bi ibilbide aurkezten zituen: 23 kilometroko lasterketa luze bat, eta 11ko beste motz bat. Azken honetan, Iñaki Arrariaran oñatiarra izan zen azkarrena.

 

Iñaki Arriaran oñatiarrak, bigarren urtez jarraian irabazi du Beasaineko Arriaran auzoan egiten den mendi lasterketa. Larunbat arratsaldean jokatu zen aurtengo ekitaldia eta txantxikuarrak, merezimendu osoz eraman zuen ibilbide motzeko proba. 11 kilometroko ibilbidea, 49 minutu eta 17 segundutan osatu zuen Iñakik. Arriaranen atzetik Owen Davies (50:01) eta Mikel Zabalegi (50:41) sartu ziren bigarren eta hirugarren postuetan hurrenez hurren.

 

Arkonada bigarren emakumezkoetan

Emakumezkoen lasterketa motzean, lehen hiru sailkatuak goierrin jaiotakoak izan ziren. Oihana Arratibel ordiziarra (59:22) izan zen azkarrena. Haren atzetik, bigarren iritsi zen helmugara jaiotzez zegamarra eta egun Oñatin bizi den Saioa Arkonada (01:02:01) eta podiuma, Olatz Unanue aramarrak (1:03:22) osatu zuen.

Arriaran Beasaineko proban, lasterketa buru. Argazkiak: Lasterketak.eus

comentarios

agenda

Bilera irekia
18.05.03
Pilota
Aloña Mendi taberna

opinion

Uda honetan, baita ere, mugitu ala hil
Iñigo Murgiondo
2017-06-26
hileko bideoa

publicidad

Facebook
Twitter
Tweets por el @OKMagazinea.