Igerilekua itxita egongo da urriaren 4ra arte

Urtero bezala, Osakidetzak agintzen duen garbiketa sakona egin ahal izateko, kiroldegiko igerilekua itxita egongo da herriko jai egunetan. Ohiko garbiketa-desinfekzio lanez gain, bestelako mantenu lan batzuk egiteko aprobetxatuko dira datozen egunak.

Ondorioz, gaurtik urriaren 4 arratsaldera arte ezin izango dira aipatu instalazioak erabili. Azken orduko okerrik ezean, urriaren 4an, 14:00etan irekiko dituzte igerilekuko ateak.

Kiroldegia itxita jaietan

San Migel eta Errosarixo jaixak tarteko, Zubikoak ordutegi berezia izango du datozen egunotan. Irailaren 29 eta 30ean eta urriaren 1, 2, 3 eta 4 goizean ere, itxita egongo baita kiroldegia. Itxiera honek sor ditzaketen eragozpenen aurrean, barkamena eskatu nahi dute.

iritziak