iritzia

Aratz Losada
2015-03-02
2 urte, hamaika istorio

Urteko hirugarren hilabetea estreinatu berri genuen atzo. Otsaila atzean utzi eta Martxoan sartu gara dagoeneko eta niretzat, hilabete horretako lehen eguna beti izango da berezia. Izan ere, 2013ko martxoko lehen egun horretan jaio baitzen OK Magazinea. Konturatu orduko beraz, bi urteko bide luzea egin dugula elkarrekin. Gezurra dirudi! Egunero-egunero oñatiarren kirola jarraituz, kontatuz, zabalduz eta batez ere, maitatuz. Maitasunik gabe, bihotzik gabe, nekez funtzionatzen baitute gorputzeko beste organo guztiek.

 

Eta bihotzeko taupaden indarra aprobetxatuz, zangoak eta burua baliatu ditugu hara eta hona mugitzeko. Herriko kirol berriak topatzeko, alegia. Ia 800 albiste, 100 iritzi, hainbat bideo, argitalpenak...azken finean, herriko kirol jardueraren aberastasunaren igorle besterik izan ez garela. Eta pluralean hitzegiten dut proiektu honen ardura nagusia nirea izanagaitik ere, laguntza eskaintzen didazuen kolaboratzaile, irakurle eta kirolarien lanik gabe, aurrera egitea oso zaila izango litzatekeelako. Eskerrik asko!

 

Bide luze honetan zehar, berme edo sinesgarritasun pixka bat irabazi dugula iruditzen zait. Bai herritarren artean eta baita, inguruko komunikabideetan ere. Eta hori albiste oso ona da. Dena den, oraindik hobetzeko gauza asko ditugula, agerikoa da. Eta horretan ere ahalegin berezia egingo dudala aitortzen dizuet.

 

Iruditzen zait, herriko kirol komunitate sendoa osatzen ari garela eta Oñatin ez ezik, herritik kanpo ere, hemen daukagun aberastasunaren berri zabaltzen ari gara. Ilusioa eta gogoa zuen artean mantenduko direlakoan, segi orain artean bezala kirola gauzatu eta batez ere maitatuz!

 

OK Magazinean, zuen abenturen berri kontatzen jarraituko dugulakoan, eutsi goiari eta nahi duzuenerarte!!

aurreko iritziak

Iñigo Murgiondo
2017-06-26
Uda honetan, baita ere, mugitu ala hil
Iban Perez
2017-05-23
Primerakoak zarete
Aitor Guridi
2017-05-16
Hil edo bizikoa al da?
Xabier Infante
2017-05-09
Kirola eta teknologia
Aitor Biain
2017-04-26
Sekretua(k)
Iñigo Murgiondo
2017-04-10
Herriko futbol txapelketa dela-eta

agenda

Bilera irekia
18.05.03
Pilota
Aloña Mendi taberna

iritzia

Uda honetan, baita ere, mugitu ala hil
Iñigo Murgiondo
2017-06-26
hileko bideoa

publizitatea

Facebook
Twitter
Tweets por el @OKMagazinea.