opinion

Iñigo Murgiondo
2017-04-10
Herriko futbol txapelketa dela-eta

2016/2017. ikasturteko Herriko futbol txapelketak baditu finalistak –zorionak, bide batez, Kalañatasaray eta Alboki eta zorte on finalean–, eta, hortaz, amaitzear dagoenez, badago urteari buruzko hausnarketa egiteko aukera. Horren harira, txapelketako batzordeak galdetegi bat kaleratu zuen, martxoaren hondarrean, hurrengo ikasturteari begira.

 

Proposatu zuten galdera da ea hurrengo ikasturtean futbol 8an jokatzera animatuko garen oñatiarrok, Azkoagain alde batera utziz eta Larrañara joanez futbolean jokatzera. Kontua ez da berria; izan ere, orain urte gutxi batzuk ere izan zen eztabaida, eta erabaki genuen, bai parte hartzaileok eta baita batzordeak ere Azkoagainen futbol 11ko formatuari eustea.

 

Orduan ere, baina, bazen nahikoa kezka parte hartzaileen eta taldeen beherakadei buruz. Eta kezka hori ez da isolatua edo “oñatiarra”; izan ere, Arrasaten bertan ere iazko ikasturte amaieran Zaldibarko futbol txapelketari buruzko hainbat argitalpen irakurri ahal izan genituen txapelketan izandako beheraka zela-eta.

 

Hori guztia kontuan izanda, eta etorkizun motzean, behintzat, bueltarik izango ez duela sumatuta, batzordeak hartu duen erabakiarekin bat egiten dut. Izan ere, parte hartzaileen beherakada itzulirik gabekoa izan aurretik hobe da txapelketa eredua aldatzea edo –behintzat, eztabaida kaleratzea– txapelketa parte hartzaile faltagatik bertan behera uztea baino.

 

Eztabaida prozesu horretan, zalantza barik, talde bakoitzak eta jokalari bakoitzak bere iritzia izango du: izan daiteke txapelketa jokatzea Larrañan 8ko futbolean; izan daiteke futbol 11ko ligaxkak beste modu batean planteatzea, partidu gutxiago jokatuz; izan daiteke, txapelketa motzak egitea baina udazkenean bat eta udaberrian beste bat…

 

Aukerak daude asko. Eta erabakia oñatiarrona izango denez, abantaila hori dugu. Oñatiar asko izan dira eta gara Herriko futbol txapelketaz gozatu dutenak eta gozatzen dugunak; har dezagun erabaki zuzenena, aurrerantzean ere futbolean lagunartean jokatuko badugu.

articulos anteriores

Iñigo Murgiondo
2017-06-26
Uda honetan, baita ere, mugitu ala hil
Asier Osinaga
2017-06-12
Atletismo festa Oñatin
Mireia Bikuña
2017-06-05
Zenbat emakume ibiltzen den bizikletan! (2)
Iban Perez
2017-05-23
Primerakoak zarete
Aitor Guridi
2017-05-16
Hil edo bizikoa al da?
Xabier Infante
2017-05-09
Kirola eta teknologia
Aitor Biain
2017-04-26
Sekretua(k)
Iñigo Murgiondo
2017-04-10
Herriko futbol txapelketa dela-eta
Josu Osa
2017-04-04
Berrogeita hamar urte
Asier Osinaga
2017-03-28
Atletismo egutegia eztabaidagai

agenda

Bilera irekia
18.05.03
Pilota
Aloña Mendi taberna

opinion

Uda honetan, baita ere, mugitu ala hil
Iñigo Murgiondo
2017-06-26
hileko bideoa

publicidad

Facebook
Twitter
Tweets por el @OKMagazinea.