Torreauzoko krosaz

Ez dut sekula parte hartu korrikalari moduan, baina azken hiru urtetan, lanean egon naiz egun horretan. Iaz, motor gainean grabatu nituen telebistarako irudiak. Kros umila dela esango nuke. Herrikoia. Etxekoa. Lagunekin egitekoa. Horrek guztiorrek egiten du berezia Torreauzoko krosa. Irabazleak daude urtero, baina, lehiakortasun txikiko krosa da. Horregatik estimatzen dute korrikalariek. Oñatiarrek eta inguruko herrietakoek.

Aurtengoa uztailaren 3an izango da. Betiko ibilbidea: Olateraino joan-etorria. Zazpi kilometroko ibilbidea. Aldaketa bakarra, antolatzaile taldearena izango da. Antxintxiketak Kirol Elkarteak lekukoa eman dio Abixaran taldeari. Emakumeen kirolari bultzada emateko asmoz sortutako taldeak gogor dihardu lanean. Erronka gustu handiz hartu dute/dugu. Baina, halako lasterketa baten, ezinbestekoak dira korrikalariak. Zuen beharra daukagu. Korrikalari barik ezinezkoa litzateke. Beraz, gorriz markatu zuen agendatan. Dagoeneko izena eman daiteke www.herrikrosa.eus atarian.

Animatu. Uztailaren 3an elkar ikusiko garelakoan....