Zapatuan egin genuen Zumeltzegi jatetxean Aloña Mendi K.E.ko Pilota Sailaren 50. urteurreneko aurkezpen ekitaldia. Ezker eskuin Julian Dorado eta Joxe Ramon Azkoitia izan nituen, atzean berriz gure pilotari gazteen ordezkaritza bat.
Eta jabetzen zara zer ari zaren ordezkatzen, zein den gure erantzukizuna: Julian eta Joxe Ramon bezalakoek egiten duten ahaleginari jarraipena ematea, atzean nituen gaztetxoek eta beste askok pilotan gozatzen jarrai dezaten. Eta horretan ari gara eta jarraituko dugu, ilusioz, asmatuz batzutan eta hanka sartuz bestetan, baina egiten ari izatearen sentsazioarekin. Eta une honetara “osasuntsu heldu" garela irakurri dut hor nonbait, eta osasuntsu jarraitzeko lana egitea dagokigu, lana gogotik.
Urte berezia da aurtengoa, 50 urte badelako nahikoa aitzaki ospakizunerako. Abel Barriola omenduz hasi genuen urteurrena eta aurkezpen ekitaldiarekin eman diogu jarraipena. Maitzeko azken astean Pilotaren Astea dugu orain jomugan.
Aupa Aloña, Aupa Pilota!!!